Ｌｏｓｔ　ｉｎ　Ｃｈｉｎａ

尋晚去咗睇筆筆嘅演唱會，除咗激動都係激動！！！

五年了，足足等咗五年了，五年=1825日，如果叫我等一個其他人，我諗我一早就SAY NO了！不過周筆暢，叫我再等廿個五年我都願意！！因為真係值得！

尋日未開場嘅時候，再加上落雨，本來打算到處影嘅諗法被打消，唯有喺場外嘅攤檔尋覓合適嘅紀念品——哼哼，以我天生嘅女人購物狂天性，當然好快就有斩获啦~~两个环保袋+两个揽枕+一个手机绳连袋+一把扇——哇哈哈哈哈……全部都是绿色的，全部都是笔笔！愛死了~~~~

 

 

 

 

 

 

終於到進場時間了，好多人啊真係好多人~~~~入門時逼死了！真係好想問句：至於麼？我知道我知道，大家等了五年終於等到呢個時刻，但係點都要有秩序吧？畢竟筆筆都唔希望未開場就發生事故的……終於好辛苦入到場啦，第一時間唔係去搵位，而係先去排個隊領翻件紀念版嘅T-shirt先~~正啊！雖然￥680都有點令我心痛，但見到件T，值啊！！

 

 

終於坐定定喇，我影我影我周圍影！啦啦啦啦啦~~~~

 

 

 

 

突然有個小騷動，原來筆爸筆媽來了~~~~哇哇哇！！筆媽好漂亮，真的好高貴好有氣質！愛死了~~~~真的是有其母必有其女啊~~~一門兩美女！卡卡~~~~筆爸同筆媽一齊坐咗喺舞台左邊嘅主席台。靠近主席台嘅親一見到佢哋兩個，簡直可以用發曬狂來形容，個個都蜂擁上去合照同握手。

 

 

 

我恨啊~~~我恨我為什麼買的是內場不是看台~~~~失去大好機會了！坐喺主席台嘅仲有筆筆嘅恩師羅老師同埋最緊要嘅係有金牌大風嘅鄭東漢先生同埋陳輝陽先生！！！哇塞！佢哋兩個都來咗，可想而知對筆筆幾咁重視啦！！果然識貨啊！卡卡……

20：24，筆筆終於千呼萬喚始出來了！！唔好講咁多廢話，直接去片啦~~~因為筆筆嘅演唱會真係好到難以用言語去表達啊！！！

 

 

 

 

 

 

 

 

 

 

 

 

 

 

 

 

 

  

 

 

 

 

 

 

 

 

 

 

 

 

 

 

  11：26分，經曆咗三個小時嘅演唱會終於要結束了……真係好唔舍得……好多親都喊咗出來，本來我都可以忍住咖，但係我見到主席台嗰邊筆媽抱住筆筆嘅經理人喺度喊嘅時候，我都忍唔住眼濕濕……五年啊，對於好多人來講，五年係一個咩概念嘅時間？可以話漫長，可以話眨眼就過~~~但係我相信，五年對於筆筆同我哋呢班筆迷嚟講，絕對係一個值得紀念嘅大日子！！！筆筆話，以後嘅5.29都係我哋嘅紀念日——嗯！應承你！呢世都會記住咖！！

散場了，依然影翻啲相，雖然好不舍好不舍，但我相信，以後我們會有更多機會去見證筆筆嘅每一個音樂裏程碑！

 

 

 

 筆筆，We love you forever！

無論以後嘅世界點變，我哋一班筆親都會永遠喺你身邊！

You are the best！You know？

星期日又約咗Money出嚟幫忙解決一啲最近心入面嘅煩惱。

最近真係好煩，屋企突然發生一啲變故，令到本來已經亂嘅生活更加亂！唔係我唔想解決，而係真係唔知可以點去解決……突然間覺得身上嘅擔子好重啊！但Money話我太將一啲未必關自己事嘅嘢都攬上身，而且最近俾自己嘅童年陰影嚴重影響住自己嘅決定——童年陰影，一講到童年陰影我就即刻眼濕濕，因為宜家屋企發生嘅事以前都發生過，當時嘅屋企係每一日都愁雲慘霧，嗰種感覺於我，真係好恐怖！我唔想再經曆了！！我真係好驚！好驚要再經曆多次……但Money同我講，畢竟童年嘅嘢已經係過咗去嘅嘢，過去就由它過去，唔需要再介懷。

Money話我今年需要學習嘅係學識接受同學識開始。今年會有變動，而且同時會有背後嘅一啲精神力量不斷咁去左右住我，有好多是非黑白不斷喺我耳邊加插好多意見，就好似天使與魔鬼咁~~但我呢，卻一直將自己孤立於一個独立嘅狀態，唔願接受外界嘅幫助同意見，但又其實係好驚、好傈、好需要人去幫我……都真係好矛盾！Money話叫我嘗試放開去做一啲嘢，即使係不作為都唔緊要，只要尽量嘗試去做就得了。我今年嘅未來困境係其實我自己手上已經有解決嘅辦法，但係我唔識得去運用，而且當我去面對事情嘅時候卻選擇去逃避！甚至有時候係未發生、未開始、唔關自己事嘅嘢都會咩都驚定先，一個字可以形容曬我嘅狀態就係：“驚！”

跟住問事業嘞。Money話我宜家份工喺之前會有一個好有智慧嘅上司一路都好幫我，但係我同同事之間嘅合作就麻麻地，可以話唔係好合作！嚟緊因為公司上會有一啲公司結構上嘅改變會對我有一定嘅沖擊，但幸好會有一個伯樂出現去幫我。但6月前後呢段時間會有一個機會出現，呢個機會係個伯樂帶俾我嘅，而且我對於呢個機會嘅決定好直接影響我之後嘅事業，可以話，若然係一子錯，就會滿盤皆落索……所以我對今次呢個機會嘅抉擇好重要！但同樣地，喺我決定嘅時候，都會有好多聲音去俾唔同嘅意見我，所以我一定要把持住，認真諗清楚！

之後事業會有一個大嘅機會俾我選擇，啫係證明騎碼呢段時間我都係依然有嘢做，唔會失業……呼~~~咁都好啲！我宜家最需要嘅就係保住我份工，保證有穩定嘅收入，咁先係我解決問題嘅重要保證！

問完事業問愛情。但係今次愛情嘅塔羅結果我唔想講太多，因為未有一個真正嘅決定，所以我想將它先收喺個心度。但Money話我放棄緊一個火象星座。唔願去理、排斥緊呢個火象星座。而其實呢個火象星座先係適合我嘅。而我嚟緊會遇到一個外地人。然後會有感情發展嘅機會。而且如果呢個外地人係一個食得住我嘅火象星座就更好！因為食得住我嘅人反而適合我——Money話估唔到我呢個獅子座竟然會願意俾人食住~~~呵呵，世事總係奇妙的。畢竟我再點强勢，始終都係一個需要被人保護嘅獅子囡。

真係好衷心多謝Money嘅解答！塔羅完之後，我對某些事情大概已經有咗方向，未來嘅路會係點？應該點行？大權都始終係掌握喺我手！

宜家既然成個人松咗，咁之後我就唔好再驚嘞！要勇敢咁行！

我一定要加油啊！！！